"ვაჩვენე ჩემი მანქანა, სადაც ვცხოვრობდი, მერაბმა გაიცინა და მეუბნება, იქ არ უნდა იცხოვრო. წამოდი ჩემთანო და მიმიკედლა" - როგორ შეიფარა მერაბ დვალიშვილმა მისთვის სრულიად უცხო ადამიანი

ქარ­თვე­ლი მებ­რძო­ლის მე­რაბ დვა­ლიშ­ვი­ლის მიერ სო­ცი­ა­ლურ ქსე­ლებ­ში გა­მოქ­ვეყ­ნე­ბუ­ლი ვი­დე­ო­ე­ბი­დან და "ინ­სტაგ­რამ“ სთო­რი­დან, მა­ყუ­რე­ბე­ლი შე­ნიშ­ნავ­და ახალ­გაზ­რდა და­ღეს­ტნელ, პო­ზი­ტი­ურ ბიჭს, რო­მე­ლიც ჩვენს მებ­რძოლს ხში­რად ახ­ლავს თან.

• ის არის 22 წლის მაგ­დი ამა­ჩო­ვი, რო­მელ­საც თა­ვი­სუ­ფალ ჭი­და­ო­ბა­ში დიდ მო­მა­ვალს უწი­ნას­წარ­მე­ტყვე­ლებ­დნენ.

თუმ­ცა ბიჭ­მა ჭი­და­ო­ბას, რო­გორც ცალ­კე­ულ სპორ­ტს თავი მი­ა­ნე­ბა და ახლა MMA კა­რი­ე­რის აწყო­ბას ცდი­ლობს. ის და­ღეს­ტნი­დან აშშ-ში გა­და­ბარ­გდა და მე­რაბ დვა­ლიშ­ვილ­თან ერ­თად ვარ­ჯი­შობს.

მაგ­დიმ გა­სა­ო­ცა­რი ის­ტო­რია მოყ­ვა მე­რაბ დვა­ლიშ­ვი­ლის შე­სა­ხებ. მისი თქმით, რამ­დე­ნი­მე სა­ა­თის გაც­ნო­ბი­ლი ჰყავ­და მე­რა­ბი, როცა ქარ­თველ­მა სპორ­ტსმენ­მა გა­ი­გო, რომ ბიჭი მან­ქა­ნა­ში ცხოვ­რობ­და. მე­რაბ­მა მას სა­კუ­თარ სახ­ლში სრუ­ლი­ად უსას­ყიდ­ლოდ შეს­თა­ვა­ზა ცხოვ­რე­ბა.

ამა­ჩო­ვი ზრდი­ლო­ბი­ა­ნი, და­დე­ბი­თი და პო­ზი­ტი­უ­რი სპორ­ტსმე­ნია, რო­მე­ლიც მე­რაბ­ზე აღ­ტა­ცე­ბით სა­უბ­რობს.

"მე­რაბს სა­ო­ცა­რი კარ­დიო აქვს, შოკ­ში ვარ. პირ­ვე­ლი 3 რა­უნ­დი მეტ-ნაკ­ლე­ბად თა­ნაბ­რად მივ­ყვე­ბო­დი, მე-3, მე-4 რა­უნ­დებ­ში უკვე დაღ­ლი­ლი ვი­ყა­ვი, ის კი ძვე­ლე­ბუ­რად მუ­შა­ობ­და. მინ­და აღ­ვნიშ­ნო, რომ 3 რა­უნ­დი შე­იძ­ლე­ბა მე შე­მე­ჯიბ­როს, მერე კი­დევ 3 სხვას და კი­დევ სამი - სხვას. შემ­დეგ წავა, სხვა სა­ვარ­ჯი­შო­ებს გა­ა­კე­თებს. არ ვიცი, ღმერ­თმა მის­ცა ასე­თი კარ­დიო", - ამ­ბობს ამა­ჩო­ვი.

• თუმ­ცა ყვე­ლა­ზე გა­სა­ო­ცა­რია მაგ­დი­სა და მე­რა­ბის გაც­ნო­ბის ის­ტო­რია:

"მე მას არ ვიც­ნობ­დი. პენ­სილ­ვა­ნი­ი­დან ლას-ვე­გას­ში წა­ვე­დი. მარ­ტო ვი­ყა­ვი, მან­ქა­ნით წა­ვე­დი. ჯერ შე­ვე­დი UFC-ის დარ­ბაზ­ში, Apex-ში. მე­გო­ნა, ეგ იყო სა­ვარ­ჯი­შო დარ­ბა­ზი. ვაბ­რა­ხუ­ნე კარ­ზე, არა­ვინ აღებ­და. მერე დაც­ვამ გა­მო­ი­ხე­და, მი­თხრა, წადი აქე­დან, ეს საბ­რძო­ლო დარ­ბა­ზია, აქ ტარ­დე­ბა ტურ­ნი­რე­ბი, აქ არა­ვინ ვარ­ჯი­შობ­სო და UFC PI-ში გა­მიშ­ვა.

მე­კი­თხე­ბი­ან, შენ UFC-ის მებ­რძო­ლი ხარ? გვაჩ­ვე­ნე კონ­ტრაქ­ტი. ვე­უბ­ნე­ბი, არ მაქვს კონ­ტრაქ­ტი, მაგ­რამ მალე მექ­ნე­ბა, გპირ­დე­ბით. ამიხ­სნეს, რომ ვერ შე­მიშ­ვებ­დნენ. არა­ფე­რი ვი­ცო­დი, არ ვი­ცო­დი, სად წავ­სუ­ლი­ყა­ვი, სად მე­ვარ­ჯი­შა, მარ­ტო ვი­ყა­ვი მთელ ლას-ვე­გას­ში, არა­ვის ვიც­ნობ­დი თან. მი­თხრეს, რომ აქ ორი კარ­გი დარ­ბა­ზი იყო, syndicate mma და xtreme couture. მე "სინ­დი­ქე­ი­თი“ ავირ­ჩიე.

მე­ო­რე დღეს მი­ვე­დი ამ დარ­ბაზ­ში, ვუ­ყუ­რებ მე­რაბს, არ ვიც­ნობ­დი სა­ერ­თოდ, მაგ­რამ აშ­კა­რად კავ­კა­სი­უ­რი გა­მო­მე­ტყვე­ლე­ბა ჰქონ­და. გა­მო­ვე­ლა­პა­რა­კე, მი­ვე­სალ­მე, მე­უბ­ნე­ბა, სა­ქარ­თვე­ლო­დან ვარო. მე ვუ­თხა­რი, მე - და­ღეს­ტნი­დან. სპა­რინ­გის მერე მო­ვე­წო­ნე, ხელი ჩა­მო­ვარ­თვით. მე­კი­თხე­ბა, პრო­ფე­სი­ო­ნა­ლი მებ­რძო­ლი ხარო? არა-მეთ­ქი, არას­დროს მქო­ნია პრო­ფე­სი­ო­ნა­ლუ­რი შეხ­ვედ­რა ჩა­ტა­რე­ბუ­ლი. მე­რაბ­მა მი­თხრა, შენ დიდი მო­მა­ვა­ლი გაქვს, გა­აგ­რძე­ლე ვარ­ჯი­შიო.

დარ­ბაზ­ში მე­კი­თხე­ბა, შენ სად გა­ჩერ­დი, სად ცხოვ­რო­ბო. მეთ­ქი აი, ნახე, ფან­ჯრი­დან ვაჩ­ვე­ნე ჩემი მან­ქა­ნა, იქ ვცხოვ­რობ, პარ­კინგზე. მე­რაბ­მა გა­ი­ცი­ნა და მე­უბ­ნე­ბა, არა, იქ არ უნდა იცხოვ­რო. წა­მო­დი, ჩემ­თან და მი­მი­კედ­ლა. უბ­რა­ლოდ ადა­მი­ან­თან ერთი სპა­რინ­გი გავ­მარ­თე, არ ვიცი, შე­იძ­ლე­ბა რამე პო­ტენ­ცი­ა­ლი იგ­რძნო. მი­ვე­დით მას­თან სახ­ლში, ერთი ოთა­ხი გა­მო­მი­ყო და მი­თხრა, რომ შე­მეძ­ლო იქ სრუ­ლი­ად უსას­ყიდ­ლოდ მე­ცხოვ­რა", - ამ­ბობს ამა­ჩო­ვი.

ამა­ჩო­ვი UFC-ში მოხ­ვედ­რა­ზე ოც­ნე­ბობს, ის უკვე ვარ­ჯი­შობს ტოპ-დო­ნის მებ­რძო­ლებ­თან და გან­ვი­თა­რე­ბას არ წყვეტს.