“ძალიან მძიმე რამე უნდა დავწერო… ბავშვები მარტო ჰყავდა მიტოვებული, თავად გასართობად იყო წასული. პოლიციამ ძლივს მიაკვლია მთვრალს!” – ნინო ფოჩხუას სკანდალური განცხადება წუხელ ზუგდიდში დატრიალებულ ტრაგედიაზე

ექსპერტი ნინო ფოჩხუა ზუგდიდში დატრიალებულ ტრაგედიას, რასაც ორი ბავშვის სიცოცხლე ემსხვერპლა, ასე ეხმაურება:

,,უდიდესი ტრაგედია დატრიალდა, იმის იქით რომ არაფერია…

მაგრამ ძალიან მძიმე რამე უნდა დავწერო, რადგან რადიკალებმა კვლავ იკადრეს და ტრაგედიით ხელისუფლების გაშავება და პოლიტიკური ქულების დაწერა გადაწყვიტეს. აუცილებლად მიმაჩნია ეს ვთქვა – ჩემი უახლოესი ადამიანი ცხოვრობს ზუგდიდში, იმ სახლთან ახლოს, სადაც ტრაგედია დატრიალდა. ბავშვები დედას ღამე მარტო ჰყავდა მიტოვებული სახლში, თავად კი ბათუმში იყო წასული გასართობად. ადგილობრივებმა კარგად იციან, რას წარმოადგენს ეს ქალბატონი! პოლიციამ ძლივს მიაკვლია ბათუმში და გალეშილი მთვრალი ზუგდიდში წაიყვანა. ოჯახს არც ფინანსური პრობლემა ჰქონია – სახელმწიფოსგან ყოველ თვე 1500 ლარს და ასევე, თითო ბავშვზე ცალკე დახმარებას იღებდნენ. ადამიანმა არ უნდა იკადრო ყველაფერი, მაგრამ გვარამიას, მაქარაშვილს და მათ კლასტერს ადამიანობის არაფერი სცხიათ. ისინი ხომ გვამებზე მოცეკვავე სვავები არიან! გადარჩენილ ბავშვებს რაც შეეხება, სასწრაფოდ უნდა მოაშოროს სახელმწიფომ ისინი “მშობელს” – დაწერა ნინო ფოჩხუამ.